zimei 的个人资料D~a~y照片日志列表更多  |  工具 帮助 |
|
|
4月18日 大飽口福日依然係逃課啲一天（竟然冇點名） 我哋如期進行大食計劃 攔的，落車，直奔目的地 見到一大堆美食，當然不顧儀態 照舊狂食甜品（好白痴，食buffet竟然食咁多甜品） 真係食得好飽，但發覺服務員對客人噶態度有D問題 見到我哋幾個當透明？？？！！！ 真可惡，又唔係食霸王餐 勢利···哼··· 連行商場都俾sales冷落 what a day～～～ 收到條信息 問題可以話解决佐 只係結果並唔係太理想 但都已經冇辦法啦 可以做噶都做曬 或者，我本應接受呢一切 又要test啦··· 4月17日 否極泰來？？可能係因爲一個人係灰暗中太耐 所以係某一日，會突然間心情好D 呢D係咪叫做否極泰來咧？？！！！ ....連續兩個禮拜啲black day 加上不斷啲test... 今日噶我竟然開朗佐 唔知，甚至我有少少懷疑自己係咪有D神經唔正常 一時又鬱悶過度，一時又興奮過度 such a crazy girl 聽日我哋又打算逃課lu（其實唔算打算，cuz早有已打好算盤） 中森orTasty buffet(討論佐成個禮拜） maybe,依加只有食嘢先可以令我打起精神lu 4月16日 catch a cold```到今日我先至承認 原來我發言時企得越耐，兼且冇準備噶時候，係會口齒不清以至語無倫次噶 企係度就乜都講唔清，一旦坐返低，思路就一清二楚 啊··· 一個好猛太陽伴著陣陣風的日子 我竟然又感冒 其實一D都唔意外 我一直都係係大熱天時感冒發燒噶人 而且冬天都係會咁 啊··· 依然係復習中...連作業都懶理 4月15日 sooo tired```成個人莫明其妙啲燥 所以冇乜講到嘢,費事衰多口 都唔知點解,好攰好攰 日頭仲好熱好猛太陽,到佐夜晚就變到好清涼,甚至有D凍 呢個禮拜實在係太多事啦 名副其實噶得閑死唔得閑病 考試，social practice噶策劃，presentation，德文作業··· 所有嘢都堆埋一齊 真係唔知做邊樣先好 忙到連聽日噶辯論都懶得搵資料 其實，all of it都係歸咎于一個字－懶 我已經唔記得咩叫充實 更加忘記佐點樣去努力 God··· 4月14日 ..留戀返學校噶路上，我們依然冇對話 甚至，我連bye都吝嗇佐 無意中，睇到D我唔想睇到噶嘢（早已成爲事實，只係唔想去承認） 其實，佢已經離開佐好耐 但係都係會唸返起 都係會掛住 even想問佢過得好唔好 但我知我唔會將此付諸實行 我更知，所有噶一切都係因爲我自己噶猜測 或者，根本冇呢件事噶存在（傻得徹底） 睇到D嘢，難免會痛 但起碼呢D係事實，我想我自己可以回到現實 唔再有幻想 cause真係好痛苦 我會忘記一切，我相信 等時間過佐，所有一切都會回到現實 而我們，當然會各有各de生活 maybe會見面 perhaps再也不見 但我會祝福妳，希望妳過得好 4月13日 太執著今晚 傾佐好多 應該話係從未一齊傾咁多，講佐三個幾鐘 她似乎已經entchuldigen佐佢 但我，我答她係我還需要時間去接受（當然前提係佢···） 我將我噶唸發同她講佐，她都講俾我知，她曾經都有一樣噶唸發 但係，當你到佐果個時候，人係好難將自己噶唸發付諸行動 因爲你要考慮噶嘢太多太多啦 或者，我仲未到果個時候 但我只想講，我太執著，卻改唔到 我哋冇講嘢，一句都冇 唔知會持續到幾時 4月12日 一切照舊唔想發生噶事，已經發生佐 發生佐噶事，問題依然存在 存在噶問題，依舊冇解决 好似所有噶嘢都按照一種与我意願背道而馳噶方式運行緊 一切噶一切 都纏繞住我 我好想run & escape 但係我連咁做噶能力都冇 真係真係真係好好好煩啊······ 我已經唔知點樣去講出我噶煩惱 因爲我已經形容唔出我噶狀態 我已經唔知我噶腦係度做緊乜 渾渾噩噩 4月11日 Bad beginning今日，依然係逃課噶大日子 似乎係越來越光明正大啦 但係今日點佐名，萬幸啲是，居然冇點中我哋幾個喔 幾個瘋狂啲女人，當然係面對住食 先到春和樓食餃子（其實冇電視介紹得咁好食），之後盪黎盪去，最終决定又去返正一味 其實仲有之後，咁就係到EasyCake度打包埋CheeseCake同pudding先走 真係好誇張 我都唔知我自己點解會變成咁 我好似已經將瘋狂食嘢當做係發泄噶一種途徑 我都驚我自己會患上暴食症 但我知我唔會 因爲我一下節食一下暴食 真係一個好唔正常噶人 應該話我要開始制止我自己噶暴食行爲la 好感謝佢哋三個今日又陪我去癲 THX aR小，瑩，婷 4月10日 Hurt me so bad真係就崩潰la ··· 我發覺我自己根本就冇外表咁堅强 我真係承受唔到啦 我好想逃離呢度啦 我唔知件事究竟幾時先會結束 我更加唔知我究竟等唔等到果日 點解我噶眼泪會不自然哋流？？ 點解我聽到佢哋噶聲音，就會想喊？？ 點解有好多我想問噶嘢我會問唔出口？？ 我唔知道，我真係唔知 點解要係我去面對呢D事？ 更加點解唔係我仲未有意識時發生D咁噶嘢？？ 最低起碼，我唔會咁清楚究竟係乜事 我一直硬撐起啲僞裝正在逐點脫落 爲何我唔夠堅强？？？ 4月9日 唔知點面對思修又睇電影...都幾好，起碼唔洗聽佢講廢話 比佢講噶課更有意義 好驚訝，接到個電話 但我哋噶氣氛唔好 我好冷淡咁回答所有問題 佢都覺得好尷尬，唔知講乜 匆忙咁收佐線 其實，我真係唔知點面對佢，我已經冇嘢好講 面對面，只會令到我想逃避 我以爲今日會解决佐個問題，但唔知因乜又被推遲佐 我唔知之後會點，但我直覺話我知，拖落去只會令事件更加複雜 點解我有唔好噶預感？？ 4月8日 又到星期二···...又到佐黑色星期二 今日，打佐個電話 為佐令到我冇咁擔心，她很努力哋去掩飾自己 但我知道，她一直在壓抑 因爲，聲音唔同佐 我都係度掩飾自己，亦都係為佐另她相信我唔再爲此擔心 我知，事情總會有解决de一日，但結果如何，冇人可以估計 我好矛盾，好想所有一切可以回復以前 但係又好難好似以前咁面對佢 我發覺自己唔恨佢，cause我覺得佢對我黎講已經變到好似個陌生人 我知，呢個係一個更壞噶結果 今日又要考試啦，仲係D聽極都唔知係乜噶嘢 唉··· ···躲不過啲禍 4月7日 Worst days off好難得先等到可以連放幾日噶假期 更加難得噶係清明都可以放假 但呢個卻係我活至現時最最最差噶假期 或者，對我黎講，呢個更本就唔係假期 而係幾十個令我徹底失望啲小時 點解？？？？邊個可以講我知，點解我噶生活會變成咁？？？ 點解呢D事要發生係我身上？？？ 憑乜我要接受呢一切？？？ 點解冇人俾D心理準備我？？？ 我發覺我越黎越唔明呢個社會，更加唔知咩係人生 唔通一定要將所有噶壞事都劇集係一個人噶身上，呢段旅程先叫有意義？？？ 咁我寧願要一段冇意義噶人生 因爲我唔想再接受D只會令我措手無策而且無限悲痛噶現實 或者，到佐以後噶某一日，我會發覺其實呢一切大部分噶人都會經歷 甚至可能我以後要面對比此更殘酷de結果 但我只能够任性de講一句，點解你哋做錯事，我都要承擔 有邊個人考慮過我噶感受？？ 人真係好自私，都好懦弱，更加貪心 只會想擁有一切，要眼前開心，卻想逃避現實帶黎噶痛楚 可能，我真係太幼稚啦 點都好，好多謝aR小，我知到你一直都好關心我 我都知道你好擔心我 只能講一句"THX"(我知道咁係唔夠噶） 4月6日 怎麽逃避？？？徹底失眠de一晚 係兩日之內，我面對佐一個困擾佐大半年噶問題 但···我寧願繼續被蒙在鼓裏··· 當我發現最親噶人都對我講大話噶時候，真係好難受 對住佢，我覺得好似對住個陌生人 我發現我面對唔到佢啦，我逃避面對佢，更加唔想同佢溝通 原來一個人乜都唔知，其實都幾好，至少唔洗煩咁多...唸咁多... 氣氛變得好凝重，所有人都變得‘戰戰兢兢’ 成段路，我冇講過一句，即使佢問我嘢 我好想知呢件事究竟會有個咩結果？？？究竟我仲可以堅持幾耐？？？ 呢個社會，真係冇乜人可以相信la··· 4月5日 鍋鍋新鮮鍋鍋金清明，有去到拜山… 但係，今日最特别噶，係我收到一个令我'驚喜嘎消息，只不過驚多过喜... ... 其實，我一直都唔想知道呢个消息(應該話我早就应该估到)，因爲我真係接受唔到！！！ 原来，要忘記傷痛，係有办法嘎 就係有另一樣嘢令你更加痛 真係有D禍不單行噶感覺 點解係都要我去接受D我接受唔到噶嘢？？！ 4月4日 'PARTY WORLD' DAY又逃课… … 不过今日噶课好似逃得好心安理得，因为大课室度左佐唔够一半人 兼且老师都觉得ok!!! 当然，我地系有destination噶… 系party world度过佐成个下昼 几个人又一次疯狂(特别鸣谢aR小，帮我点好晒歌，Thx a lot ''') 时间充足，今晚去佐练yoga，仲系度蒸sauna 几舒服(心情都好似有D好转) 4月3日 真係好...煩唉··· 唔知點解，個人好冇耐性 遇到任何事都覺得好煩，include今晚寫嘎德文作業 無聊佐成晚唔知做乜，最後先唸到要做作業 成晚做得最有意義嘎就係翻譯佐果6個句子，仲係唔知啱定錯嘎 聽日下晝開始放假lu，因爲學校前幾日被諾瓦克病毒入侵（好似食物中毒咁) 所以提前放假，全校殺毒（非常慶幸，出事果日全宿舍都出佐去食飯，故冇一中招） 聽日又可以一齊出去玩lu，但係依然唔係好···，maybe cause of bad mood 今日仲做佐件好有意義噶事，就係寄部機俾肥妞 唔試過真係唔知，寄嘢出國真係貴到乜咁 隔離個男噶寄封信用佐成兩舊水（簡直就係搶） 我寄噶舊唔洗講，過千g,用佐4百幾（THX aR小陪我企佐成粒鐘） 又過佐一日啦，好似日日都行尸走肉咁，等住時間過（超頽） ···一個更加凍啲夜晚，大風細雨··· 4月2日 好凍de一晚又過佐12點 今日真係好大風啊··· D風吹埋黎，真係有種打冷震嘎FEEL 特別係今晚，落佐課，返宿舍果陣覺得風好刺骨 好特別嘎思修課，睇電影 當全場人都因爲戲而笑嘎時候，點解我有想喊嘎衝動？？ 但係我都忍住佐，因爲我唔想係大庭廣衆下···（even if 全場係暗嘎） 愚人節果佐咯 真係冇人被整蠱(我所知道啲） 要訓覺lu``` 4月1日 April Fools' Day···四月一號，愚人節``` 一二節冇課 起身就發覺，今日好凍，落雨啦··· 依然係一個大風的日子 由陽臺度望出去，好少人，好靜，連後海大道都冇乜車 陣間就要上MR.KILLER嘎課啦，好恐怖，見到佢就成個人變得好緊張 又係一個黑色TUESDAY 今日同鳥飛佐信息，佢好似開始冇信心啦·· 我幫唔到佢，只能默默哋支持佢，加油··· A ZA A ZA FIGHTING!!!!!!~~~ 又睇到呢句臺詞，有D無名de顫動 ‘如果你还在这个世界存在着，那么这个世界无论什么样子，对我都是有意义的。但是如果你不在了，无论这个世界有多好，它在我眼里也只是一片荒漠，而我就像是一个孤魂野鬼’ 3月31日 灰色de天，灰色de我今日，天 一直都冇出過太陽，好暗 好大風 從陽臺度望出去，好似有嘢隔係眼前，蒙蒙朧朧 個天好似知道我嘎心情！！！ 依然係一個好無聊的星期一，但慶幸係雙週，唔洗上某D課 聽日就係愚人節啦，但係好似冇節日FEEL，應該都唔會有D乜出人意表嘎事發生 真盼望星期四，cause星期五係史無前例嘎放假之日 時間可唔可以過得快D啊？？？！！！ 3月30日 開blog之日，但我不快樂超級無敵宇宙大懶人終于都開blog啦··· 但係，我今日不快樂 尋日我睇到一個programme,講到一個人堅守住一個承諾56年 好佩服佢，但我更羡慕那一位被承諾de人 即使，係以生命為代價去接收呢個承諾 一世人，可以有幾個56年？？？ 我答唔到，但係我可以肯定嘎，係我一定得唔到呢個承諾 |
|
|
